يمكن أمل؟

هتقول أمل
حتى في كلامك
صوت سلامك
بإبتسامة حاسسّها
حتى لو كنت بعيده
و بسمع سكوتك
مابتقوليش كفاية
لكترة صباحي
مجرد أمل؟
يمكن ملل ؟

بتقولي أمل
بين الغيوم
و كتر الضباب
بتقول هنرجع
مجرد أمل
مستني مكالمة
أو رنه منك
شايلة اسمك
مش برضه بتحسي بيا
لما يملى الشوق عنيا؟

رغم الليل
رغم الألم
فاتحالي شَق صغيّر
في الحيطان
نور بيملى العيون
زي طفل صغيّر
بيتفرج من خُرم البيبانْ
نِفسُه يعدّي الناحية التانية
نِفسُه يبان!
و شمس بتشرق
من ورا الجبل
مجرد أمل!!

حتى لما تقولي ليا إزيك
بقنع نفسي
و أصبّر نفسي
بإنك قلت كلمة بَحبَّك
و لما أرد بضحكة و بسمة
و وسط الضحك بقولك كويس
بقنع نفسي
و أصبّر نفسي
بإني قلت كلمة بحبِّك
ده مش خلل!!
مجرد أمل!
يمكن أمل!

يمكن

.

كامل التقدير,,,