يعني ايه كلمه امل؟

يعني ايه كلمة أمل؟
حلم للحرية .. و بكره يجي بكل ما فيه من حدود؟
طب و الامل دلوقتي ؟؟ موجود؟
يعني ايه كلمه امل؟
ضحكه من غير صوت ؟ شجرة من غير توت؟
مجرد حلم بنحلمه اكتر من مرة قبل ما نموت؟
هل الامل مرتبط بفعل ؟؟ و لا مستنيين بكره يكون من غير سدود؟

الامل مش كلمة تتقال عـ الشفايف
و لا بسمة لحد تاني مش شايف
الامل كل حاجه في الكون
الامل اول خطوة في تحقيق تغيير هيكون
لازم مع الامل يكون فيه إصرار
فيه صراحة جواه كلام من غير اسرار
كلمه ايوه هنقدر نشيل الخطر
و نقدر نغير كلمة قدر
سرب واحد في الامل مش اسراب
و لا هندفن من تاني راسنا في التراب
مينفعش نقول أمل من غير افعال
محدش هيدخل الجنة بالآمال
لازم نغيّر .. لازم نحفر بإيدينا نجيب احلام
لازم نغيّر .. لازم منستناش اللي تجيبو الايام
ده الامل مش تواكل .. مش بداية حوارك
ده رؤية لآخر خطوة فـ مشوارك
متستناش كلمة اسمها الأمل
دا انت اللي بتعمل فعل إسمه الأمل

.

كامل التقدير,,,