هتحس تاني بإيه ؟؟

هتحس تاني بإيه
لو ليك ناديت
سبت ما فـ ايدي و عليك جريت
خدتك في حضني و ضمّيت
في عنيك فاكر أيامي ..
و لاحزاني نسيت

هتحس تاني بايه؟
لو خدت ايديك حضنتها
و بشفايفي لمستها
همست ليها .. وحشتها؟
لون ظوافرك, نعومة رقتك
حتى خطوط كفوفك حفظتها

هتحس تاني بايه ؟
لو افتكرت لما اتصلت بيك
و ماردتش عليا
ما هو مش مسموح ليا !!
فبعت لك رسالة بكلامي
نايم ؟ و لا بتفكر فيا ؟
ردت بسمة طايرة فـ شباكي
شايفه الضحكة اللي فـ احلامي
" مالك ؟ هو انا وحشاك عنيا ؟ "

هتحس تاني بايه ؟
لو بوستك من جديد
بوسة سريعة حتى من بعيد
تزَق كتفي .. و تعاتبني قال بعنيك
ما انت عارف .. بعشقك
و بعشق كل ما فيك
حتى بوسة الهوا .. مستخسرها عليك ؟

هتحس تاني بايه ؟
لو نسينا ايام فراقنا
و رجعنا من تاني متخانقين
على لون ايشاربك\
و قميصي .. مش لايقين
تقول " بحب الازرق عليك "
و انا بحب البني .. بموت في لون عنيك
هو انت نسيت ؟؟
و لّا عيونك مش حاسّين ؟

هو انت ايه ؟
مش عايز تحس تاني ؟؟ و لا ايه ؟

.

كامل التقدير,,,